Pamje horror në plazhin e njohur të Spanjës, dalin në breg 5 trupa të pajetë, me duar e këmbë të lidhura 23/06 17:43
Ushtria izraelite sulmoi hyrjen e burgut famëkeq Evin të Iranit, sipas ministrit të mbrojtjes të Izraelit dhe lajmeve shtetërore iraniane.
Nga pamjet e publikuara në internet shihet një re e zezë gjigante duke mbuluar godinën e burgut. Videoja tregon “momentin kur porta hyrëse” e burgut “u shënjestrua”, transmeton IRIB news.
Ministri izraelit i Mbrojtjes, Israel Katz, konfirmoi në një deklaratë se Evin ishte shënjestruar, së bashku me disa vende të tjera, duke përfshirë ndërtesën kryesore të Korpusit të Gardës Revolucionare Islamike (IRGC), selinë e Basij (një krah paraushtarak i IRGC) dhe orën që po numëronte mbrapsht deri në “shkatërrimin e Izraelit” në Sheshin Palestinez të Teheranit.
Forcat e sigurisë në qendrën e paraburgimit Evin janë të njohura për historikun e tyre të gjatë të shkeljeve të të drejtave të njeriut. Aktivistë politikë, gazetarë dhe muzikantë janë ndër ata që janë burgosur në këtë qendër.
Top Channel
