Ardenica po restaurohet / Manastiri tërheq shumë turistë të huaj në Lushnje për historinë e tij, jo vetëm fetare
08/06 12:24
Korça ka çelur sezonin turistik me karnavalet.
Sikundër është bërë traditë çdo vit, Festivali Ndërkombëtar i Karnavaleve ka shënjuar fillimin e sezonit të verës përmes një parade me maska dhe kostume shumëngjyrëshe.
400 artistë, të rinj dhe fëmijë veshur me kostume e maska me tematika të ndryshme të grupeve nga Shqipëria, Greqia, Bullgaria, etj kanë marshuar në bulevardet kryesore të qytetit duke vijuar me një festë në Pazarin e Vjetër.
“Ne vijmë nga Bullgaria. Ky është grupi jonë që përfaqëson një dasmë tradicionale bullgare. Me veshjet tona, ne trembim shpirtrat e këqij dhe bëjmë që të dukemi të frikshëm që ti largojmë ata. Është hera jonë e parë këtu, është me të vërtet shumë bukur.”
“Ne vijmë nga Greqia dhe jemi ëngjëj të parajsës. Jemi shumë të lumtura që po përfaqësojmë shtetin tonë. Është hera jonë e parë këtu. Është e mrekullueshme. Njerëzit këtu janë shumë të sjellshëm, na pëlqen shumë qyteti. Faleminderit shumë që na mirëpritët.”
Atmosfera e veçantë është ndjekur nga qytetare e vizitorë të shumtë të cilët kanë shijuar gjithçka që ky edicion i 18 i festivalit të karnavaleve ka përcjellë.
Top Channel
