Tingujt e një udhëtimi! Koncerti që sjell në TKOB pianistin Giovanni Bertolazzi
06/06 19:59
Është kremtuar në Kishën e Shijonit në Elbasan Dita e Shën Joan Vladimirit, i cilësuar si dëshmori i Paqes dhe i Orthodhoksisë në Shqipëri.
Festa e Shën Joan Vladimirit është cilësuar ndryshe si dita që bashkon kombet pasi pelegrinazhit i bashkohen besimtarë nga Serbia, Mali i Zi, Maqedoania, Italia etj.
Padre Arsenio: “Është hera e parë që marr pjesë në Festën e Shën Joan Vladimirit. Unë jam nga arbëresh ortodoks nga kalabria dhe jam shumë i afeksionuar me Shqipërinë. Kjo festë është e rëndësishme se bashkon shumë etni shumë popuj ortodoksë dhe kjo është pikërisht ajo që bëjnë shenjtët bashkojnë në momente të vështira”.
Padre Giovani Capparelli: “Është hera e parë që vij në këtë festë dhe hera e parë në Shqipëri. Mora pjesë në liturgjinë me kryepeshkopin dhe km mbetur i mahnitur nga Shqipëria. Këtu në Shqipëri gjetëm vëllezërit e gjakut tonë dhe u bashkuam”.
Shërbesat e Shenjta u kryesuan nga Kryepiskopi i Tiranës, Durrësit edhe i Gjithë Shqipërisë, Fortlumturia e Tij Imzot Joani në bashkëmeshim me Mitropolitim e Elbasanit Hirësi Andonin.
Shën Joan Vladimiri, princ nga Krajat pranë Shkodrës, është një nga figurat më të nderuara të Orthodhoksisë në Shqipëri i cili kontribuoi në përhapjen e krishterimit dhe ndërtoi disa kisha, ndër to edhe atë në Shijon të Elbasanit.
Trupi i tij u varros në kishën që ai vetë e ndërtoi, më 22 maj 1015 (dhe në 4 qershor sipas kalendarit të vjetër) Shën Joan Vladimiri nderohet si dëshmor i paqes, faljes dhe i besës së krishterë, duke u bërë një figurë e dashur për gjithë shqiptarët.
Top Channel
