Autori i plagosjes së 15-vjeçarit disa ditë më parë në një piceri në “Ali Dem” ka rënë në pranga.
Aldi Neziri, 21 vjeç, banues në Tiranë plagosi më datë 01.06.2025 me armë atipike të miturin.
Dje u arrestuan edhe 3 punonjës të picerisë, pasi dyshohet se kanë pastruar vendin e ngjarjes dhe kanë hequr DVR-në e kamerës së sigurisë në piceri. Vijon puna për kapjen e administratorit të picerisë.
Materialet procedurale do t’i kalojnë Prokurorisë për veprime të mëtejshme, për veprat penale “Plagosje e rëndë me dashje” dhe “Prodhimi dhe mbajtja pa leje e armëve luftarake dhe e municionit”, në ngarkim të 21-vjeçarit.
Policia gjithashtu ka gjetur në rrugën “Riza Çuka” Laprakë armën atipike me të cilën 21-vjeçari dyshohet se plagosi adoleshentin.
Top Channel
