Maturantët këto ditë janë më ethet e provimeve të maturës shtetërore pasi rezultatet e tyre përcaktojnë degën për studimet e larta.
Një prej tyre është edhe Fladorenti i cili ka një çrregullim të spektrit të autizmit dhe ia ka dalë të përfundojë gjimnazin, por rrugës dijes për të ndërpritet këtu pasi Ministria e Arsimit nuk krijon asnjë lehtësi për këta persona.
“Jam maturant në shkollën Kristofor Kristoforidhi”, tha Fladorent Kofsha.
E ëma shprehet e shqetësuar pasi ndihen të përjashtuar si nga arsimi i lartë edhe nga punësimi.
“Na thonë nuk ka kritere për këta, duhet të konkurrojë si gjithë të tjerët. Më kërkon punë. Po unë nuk kam asnjë mbështetje”, u shpreh mamaja e Fladorentit.
Mbështetjen nuk e ka ndierë as kur Fladorenti ishte i vogël e duhej të bënte terapi, sa Donika u bë vetë një terapiste e të birit e ia doli edhe ta arsimonte
“Por të përballesh me këtë çrregullim në Shqipëri ,është disa fish e vështirë. Donika nuk kërkova punë asnjëherë, burri u kthye nga Greqia”, tha Donika Kofsha.
Si nënë i bën thirrje prindërve që e hasin një problem të tillë në jetë.
“Pranojini fëmijët, se ka shumë familje nuk i pranojnë”, tha ajo.
Top Channel
