Trump kërcënon t’i heqë akreditimin Universitetit të Kolumbias dhe do të ndalojë vizat për studentët e huaj në Harvard 05/06 07:32
Rezultati i zgjedhjeve presidenciale polake do të vëzhgohet nga afër nga Ukraina dhe Rusia.
Sot, populli polak ka votuar për të zgjedhur një udhëheqës të ri, me betejën që po zhvillohet ngushtë midis një kandidati pro-BE-së dhe një historiani konservator që ‘frymëzohet’ nga Donald Trump.
Kryetari i bashkisë së Varshavës, Rafal Trzaskowski, i cili është një kandidat liberal pro-BE-së, dhe rivali i tij, historiani Karol Nawrocki, bien dakord që Polonia duhet të vazhdojë të mbështesë Ukrainën në luftën e saj kundër pushtimit në shkallë të plotë të Rusisë që filloi në shkurt 2022.
Por, ndërsa Trzaskowski e sheh anëtarësimin e ardhshëm të Ukrainës në NATO si çelës për sigurinë e Polonisë, kundërshtari i tij në zgjedhje tha së fundmi se nuk do ta ratifikonte atë si president, pasi kjo mund ta fusë aleancën në një luftë me Rusinë.
Në vend të kësaj, Nawrocki e ka pozicionuar veten si mbrojtës të vlerave tradicionale polake, skeptik ndaj BE-së dhe i lidhur me konservatorët amerikanë.
Mbështetësit e tij besojnë se Trzaskowski, me pikëpamjet e tij pro-BE-së, do t’ia dorëzonte kontrollin e çështjeve kyçe polake fuqive më të mëdha evropiane si Franca dhe Gjermania.
Top Channel
