U vra me armë në oborrin e shtëpisë, kush është viktima nga Lezha, tre vite më parë i ekzekutuan vëllanë! Dyshohet hakmarrje

01/06/2025 16:00

Është vrarë me armë zjarri në oborrin e banesës Pjetër Kaza, rreth 57 vjeç, banues në Tale.

Nga veprimet e para hetimore dyshohet se ngjarja ka ndodhur para banesës së tij, në kohën që shtetasi Kaza po kthehej për në banesë me automjetin e tij.

Ai dyshohet se është vra për gjakmarrje në oborrin e baneses së tij,ndërsa nuk ka pasur precedent penalë.

Para 3 vitesh, i kanë ekzekutuar dhe vëllanë.

Menjëherë pas marrjes së njoftimit, në vendngjarje janë nisur shërbimet e Policisë vendore të mbështetura nga Forca Kombëtare e Sigurisë, Njësia Shkodër.

Ndërkohë është ngritur një grup i posaçëm hetimor i cili ka shkuar në vendin e ngjarjes, dhe nën drejtimin e Prokurorit, po kryejnë veprimet hetimore me qëllim zbardhjen e ngjarjes, identifikimin dhe kapjen e autorit.

Top Channel