Tronditet Belgjika! Masakrohen nënë e bijë nga Ukraina, gjenden të vrara dhe të djegura në banesën e tyre. Babai shërben në frontin e luftës 07/06 10:58
Fitorja e Paris Saint-Germain në finalen e Ligës së Kampionëve ndezi menjëherë atmosferën në kryeqytetin francez, i cili priste me ankth këtë trofe prej vitesh.
Por gëzimi në rrugët e Parisit u kthye shpejt në kaos: më shumë se 130 persona janë arrestuar, disa dyqane janë plaçkitur dhe makina janë djegur.
Skenat më të rënda u regjistruan në Champs-Elysées, ku trazirat nisën që pas golit të parë të PSG-së. Një dyqan këpucësh u sulmua me raketa dhe sende të forta, ndërsa një tjetër, pjesë e një zinxhiri të njohur arredimi, pësoi të njëjtin fat. Policia përdori gaz lotsjellës për të shpërndarë turmat.
Makina përplas turmën në Grenoble
Anarchy on the streets of Paris tonight as PSG fans 'celebrate' their Champions League victory 🇫🇷 pic.twitter.com/GoK6e33Jiu
— Football Fights (@footbalIfights) May 31, 2025
Në Grenoble, në jug të Francës, një automjet goditi një grup njerëzish që po festonin, duke plagosur katër persona. Tre prej tyre janë në gjendje të rëndë, ndërsa një është në gjendje kritike. Sipas “Le Parisien”, shoferi dyshohet se humbi kontrollin e makinës dhe nuk kishte qëllim të shkaktonte aksidentin. Pas përplasjes, ai tentoi të ikte për t’i shpëtuar turmës së zemëruar, por më pas u dorëzua tek forcat e rendit.
#BREAKING: PARIS BURNS IN BLAZE! ⚽
PSG’s 5-0 UCL rout sparks chaos as fans and North African gangs torch, smash shops, and fling flares, per police reports.
Over 5,000 cops scramble, Macron’s “secure” Paris crumbles.
Experts sneer: “Import chaos, get a third-world circus.” https://t.co/jvOabQGZor pic.twitter.com/eFfdwjKXdO
— GeniusRogueX 🏴☠️ (@GeniusRogueX) May 31, 2025
Në Pau, një qytet në Pirenej, rreth pesëdhjetë persona shkatërruan një autobus dhe një vitrinë dyqani. Në Paris, një vajzë mbeti e plagosur në Place de la Bastille pasi u rrëzua mbi barriera metalike përreth kolonës.
Ministri i Brendshëm francez, Bruno Retailleau, dënoi dhunën dhe autorët e saj duke i quajtur “barbarë”, duke theksuar se ata po shkatërrojnë gëzimin e tifozëve të vërtetë të PSG-së që festojnë në mënyrë paqësore.
Tension edhe në Gjermani
Edhe në Munih, ku u luajt finalja, pati incidente. Përplasjet nisën që në metro gjatë pasdites dhe vazhduan pas ndeshjes. Presidenti i PSG-së, Nasser al-Khelaifi, dhe futbollisti Dembélé, bënë thirrje për qetësi:
“Ju lutem, na duhet qetësi, jo incidente. Duam të festojmë në siguri me të dashurit tanë, kjo është gjëja më e rëndësishme,” tha Al-Khelaifi për Canal+. “Festoni pa shkatërruar gjithçka,” shtoi Dembélé.
Top Channel
