Ankimimi nga “Shqipëria Bëhet”, KAS vendos hapjen e një kutie në një QV në Vlorë 29/05 19:07
Kryetari i Partisë Demokratike, Sali Berisha i ka bërë një lexim ndryshe reagimit të ambasadës së SHBA-së një ditë më parë për procesin zgjedhor të 11 Majit.
Ambasada amerikane uronte popullin shqiptar për zgjedhjet parlamentare dhe “presim të vazhdojmë partneritetin tonë të ngushtë e Shqipërinë”.
Sipas Berishës kjo deklaratë, ndryshon shumë nga ajo e katër viteve më parë dhe për këtë arsye, Rama nuk e ka përshëndetur.
“Lexoni ato të vitit 2021 për të parë thelbin, disa nga deklaratat e zotit Rubio për zgjedhjet në vende të ndryshme të botës, dhe do kuptoni ajo që ju thoni urim për Edi Ramën. Jo zgjedhjet, urohen shqiptarët, nuk mohohet as nuk pohohet. Ne që denoncojmë kemi fakte dhe prova te reja. Pritet raporti përfundimtar, ky është rregulli, pse s’e përshëndeti Edi Rama atë urim? Ai që po e priste si diçka hyjnore atë urim, pse nuk e përshëndeti, është asgjësimi i Edi Ramës”, u shpreh Berisha.
Ambasada amerikane në Tiranë bëri reagimin e parë pas zgjedhjeve parlamentare të 11 majit një ditë më parë.
Ndërsa uroi popullin shqiptar për zgjedhjet, ambasada theksoi se presin të vazhdojnë partneritetin me Shqipërinë.
“Urojmë popullin e Shqipërisë për zgjedhjet parlamentare dhe presim të vazhdojmë partneritetin tonë të ngushtë me Shqipërinë”, ka shkruar ambasada.
Top Channel
