“Tarifat e BE-së do të fillojnë më 1 qershor”, Trump këmbëngul: Nuk po kërkojmë marrëveshje! 23/05 21:18
Universiteti i Harvardit padit administratën e Donald Trump pasi i hoqi institucionit arsimor të drejtën për të regjistruar studentë ndërkombëtarë, duke përshkallëzuar një mosmarrëveshje midis Shtëpisë së Bardhë dhe një prej institucioneve më prestigjioze të Amerikës.
Në padinë e ngritur në Boston, universiteti i quajti veprimet e administratës një “shkelje flagrante” të ligjit.
Kjo vjen një ditë pasi zyrtarët në Departamentin e Sigurisë Kombëtare (DHS) thanë se do të anulonin aksesin e Harvardit në programet e vizave studentore.
Administrata Trump thotë se universiteti nuk ka bërë mjaftueshëm për të luftuar antisemitizmin për të ndryshuar praktikat e punësimit dhe pranimeve, akuza që universiteti i ka mohuar fuqimisht.
Në Harvard ka rreth 6,800 studentë ndërkombëtarë, të cilët përbëjnë më shumë se 27% të regjistrimeve të këtij viti.
Universiteti po kërkon një urdhër gjykate për të ndaluar DHS-në, e cila revokoi certifikimin e Programit të Studentëve dhe Vizitorëve të Shkëmbimit të Harvardit, mekanizmi me anë të të cilit lejohet regjistrimi i studentëve të huaj.
Administrata Trump ka sulmuar Harvardin dhe universitete të tjera elitare, jo vetëm duke argumentuar se ato duhet të bëjnë më shumë për të ndaluar aktivistët pro-palestinezë, por edhe duke pretenduar se ato diskriminojnë pikëpamjet konservatore.
Top Channel
