Sot biseda Trump – Putin? Presidentit amerikan po i humb durimi, do të telefonojë edhe Zelenskyn! 19/05 15:45
Vatikani ka njoftuar se do të ndërpresë sinjalin telefonik në të gjithë qytetin shtet gjatë Konklavës për të zgjedhur Papën e ri.
Ky veprim nuk do të ndikojë në Sheshin e Shën Pjetrit, ku mijëra besimtarë pritet të mblidhen për të pritur njoftimin e pasardhësit të Papa Françeskut, i cili vdiq më 21 prill.
Zyra e presidencës së Guvernatorit të Shtetit të Qytetit të Vatikanit tha se “të gjitha sistemet e transmetimit të sinjalit të telekomunikacionit për telefonat celularë të pranishëm në territorin e Shtetit të Qytetit të Vatikanit… do të çaktivizohen” nga ora 15:00 e 7 majit.
Sinjali do të rikthehet pas shpalljes së zgjedhjes së Papës suprem, sipas një deklarate të lëshuar nga zyra.
Megjithatë, çaktivizimi i sinjalit nuk do të përfshijë Sheshin e Shën Pjetrit, ka sqaruar zëdhënësi i Vatikanit, Matteo Bruni, duke shtuar se besimtarët do të mund të ndjekin ngjarjet edhe në atë zonë.
Një total prej 133 kardinalësh nga e gjithë bota do të mblidhen në Kapelën Sistine të Vatikanit të mërkurën për të nisur votimin për kreun e ri të 1.4 miliardë katolikëve të botës.
Zgjedhjet do të zhvillohen në fshehtësi të plotë, dhe kardinalët do t’u kërkohet të lënë telefonat celularë kur të hyjnë në konklavë.
Top Channel
