Rusia godet Kievin me dronë e raketa gjatë natës, dhjetë viktima dhe dhjetëra të plagosur 02/07 08:15
Skema e ngjyrave
Madhësia e shkrimit
Rwanda ka konfirmuar se është në bisedime me administratën Trump për të pranuar emigrantë të dëbuar nga Shtetet e Bashkuara.
Në një deklaratë, Ministri i Jashtëm i vendit, Oliver Duhungire, tha se bisedimet “nuk janë të reja për shtetin e tij”, pasi Rwanda më parë ka rënë dakord të pranojë emigrantë të dëbuar nga Britania. Megjithatë, ai tha se ishte shumë herët për të folur për rezultate.
Megjithatë, Britania e Madhe e braktisi programin vitin e kaluar pasi qeveria laburiste e Keir Starmer mori detyrën. Sipas BBC, programi pati shumë vështirësi ligjore.
Ministri shtoi se vendi i tij ishte logjik t’u jepte “një shans tjetër emigrantëve që janë në telashe në të gjithë botën”.
Në fund të prillit, Sekretari i Shtetit i SHBA-së, Marco Rubio, tha se SHBA-të po kërkonin vende që do të pranonin “disa nga qeniet njerëzore më të neveritshme”.
Që nga marrja e detyrës në janar, administrata Trump është përqendruar në dëbimet masive të emigrantëve të jashtëligjshëm.
El Salvadori tashmë pranon kriminelë të dëbuar nga Shtetet e Bashkuara, madje edhe ata me shtetësi amerikane, dhe t’i mbajë ata në “mega-burgjet” e saj. Presidenti i vendit, Nayib Bukele, ka thënë se qeveria e tij do ta bënte këtë kundrejt një pagese të vogël për SHBA-në, por të madhe për El Salvadorin.
Top Channel
