Telefonata mes Trump dhe Putinit shton tensionet mbi negociatat e paqes në Ukrainë 20/05 08:45
Oscar Piastri i McLaren vazhdoi formën e tij të jashtëzakonshme duke fituar Çmimin e Madh të Majemit, duke regjistruar fitoren e katërt sezonale dhe të tretën radhazi.
Piastri kaloi në krye pas një manovre të shkëlqyer ndaj Max Verstappen dhe nuk e la më pozicionin e parë deri në fund të garës.
Lando Norris kompletoi një dyshen McLaren, ndërsa George Russell i Mercedes përfundoi në vendin e tretë.
Max Verstappen, i cili u nis mirë, nuk pati ritmin për të përballuar sulmin e McLaren dhe u detyrua të kënaqej me vendin e katërt.
Ndërkohë, Ferrari pati një tjetër fundjavë për t’u harruar. Me një makinë që vuante nga mungesa e qëndrueshmërisë në ritmin e garës dhe strategji të paefektshme, Charles Leclerc dhe Lewis Hamilton nuk arritën të hyjnë në luftën për podium. Leclerc përfundoi i shtati, ndërsa Hamilton i teti.
Dështimi i Ferrarit në Majemi vetëm sa e thellon krizën e skuadrës italiane, e cila kishte shpresa të mëdha për këtë sezon, por tani gjendet mbrapa McLaren, Mercedes dhe Red Bull në renditjen e konstruktorëve.
Renditja e Shoferëve pas Çmimit të Madh të Miamit:
Oscar Piastri (McLaren) – 131 pikë
Lando Norris (McLaren) – 115 pikë
Max Verstappen (Red Bull) – 99 pikë
George Russell (Mercedes) – 93 pikë
Charles Leclerc (Ferrari) – 53 pikë
Renditja e Konstruktorëve:
McLaren-Mercedes – 246 pikë
Mercedes – 141 pikë
Red Bull Racing-Honda RBPT – 105 pikë
Ferrari – 94 pikë
Williams-Mercedes – 37 pikë
Gara e radhës do të zhvillohet më 18 maj në Imola, Itali, të cilën do të keni mundësi ta ndiqni drejtpërsëdrejti në DigitAlb.
Top Channel
