Video/ Trofeu i parë pas 17 vitesh, Tottenham fiton në Bilbao dhe ngre për herë të tretë Ligën e Europës! Sezon i dështuar për Man. United 21/05 22:59
Partia Demokratike ka nënshkruar një kontratë lobimi 250 mijë dollarësh në muaj, për dy vjet me një firmë në Uashington DC, e cila në 24 muaj do të kushtojë në total 6 milionë dollar.
A do t’ia dal PD të heq non-gratën e Berishës dhe të normalizojë marrëdhëniet me administratën Trump? Si do të ndikojë ky lobim në zgjedhjet e 11 majit?
Të ftuar në Top Story, Arjon Sulo dhe Alban Dudushi patën një ‘përplasje’ sa i përket kësaj çështje, që sipas Sulos ishte një vendim i padrejtë.
Sulo: Non-grata e Berishës ishte vendim i padrejtë, i lobuar nga PS dhe Yuri Kim. Çdo veprim për ta hequr atë, është një gjë e drejtë, çmimi nuk ka rëndësi.
Dudushi: Pse loboi Yuri Kim për këtë? Premisa që thua ti është e padrejtë, e lobuar nga Rama dhe Yuri Kim.
Sulo: Non-grata e Berishës është e padrejtë me gjithë gjynahet që ka bërë Berisha. Berisha s’ka bërë më shumë se çfarë i kanë bërë të gjithë liderët Shqipërisë. Pse Berisha po dhe Rama, Nano, Meta dhe Basha jo? Është bërë me lobim. Është bërë e padrejtë sepse z.Rama dhe znj. Yuri Kim…
Dudushi: Po thua që ishte i korruptuar Departamenti i Shtetit. Thuaj që ishte i korruptuar Sekretari i Shtetit.
Sulo: Qenke i çuditshëm ti. Unë po them që ka ndodhur një lobim nga qeveria dhe Departamenti i Shtetit për t’i rënë në qafë drejtësisë në Shqipëri, për t’i rënë në qafë opozitës.
Top Channel
