Spanja dhe Portugalia në errësirë totale, njerëzit bllokohen për disa orë në metro e ashensorë! Kush ‘e uli çelësin’ e dritave?! 28/04 17:28
Ndërprerja masive e energjisë elektrike ka çuar në pezullimin e ndeshjeve të turneut “Madrid Open”.
Në Portugali, burime zyrtare i thanë mediave vendase se ndërprerja ishte e përhapur në të gjithë vendin, ndërsa raporte të ngjashme po dalin edhe nga Spanja. Aeroporti ndërkombëtar i Madridit, Barajas, mbeti pa energji elektrike, ndërsa telekomunikacionet gjithashtu janë prekur.
Qytetarët e Andorrës dhe disa pjesë të Francës që kufizohen me Spanjën po ashtu raportuan se u prekën nga ndërprerja e energjisë.
Shkaku ende nuk është i qartë. Mediat vendase po raportojnë për probleme me rrjetin elektrik evropian, i cili ka prekur rrjetet kombëtare në Gadishullin Iberik.
Top Channel
