Studentët serbë protestë në Bruksel/ Rikthehet tensioni për Vuçiç, të rinjtë maratonë prej 2000 km për një “Serbi demokratike” 25/04 20:49
Presidenti i Republikës, Bajram Begaj kreu sot homazhe pranë trupit të Papa Françeskut në Bazilikën e Shën Pjetrit në Vatikan,
Në ceremoni morën pjesë drejtues shtetesh, klerikë dhe besimtarë nga e gjithë bota.
Gjatë homazheve për Atin e Shenjtë, Presidenti i Republikës, Bajram Begaj shoqërohej nga pesë përfaqësuesit e komuniteteve fetare shqiptare, atij mysliman, ortodoks, katolik, bektashi dhe ungjillor, një dëshmi e vëllazërisë mes besimeve dhe tolerancës fetare, të cilën Papa Françesku e ka çmuar edhe gjatë vizitës së tij në Shqipëri.
Në ceremoninë e nderimit të Papa Françeskut, krah Presidentit të Republikës ishin Presidentja e Kosovës Vjosa Osmani, kardinali Ernest Simoni, Kreu i Kishës Ortodokse Autoqefale, Fortlumturia e Tij, Joan Pelushi, Kreu i Kishës Katolike, Imzot Arjan Dodaj, Arqipeshkvi i Kryedioqezës së Tiranë-Durrësit, Kryetari i Komunitetit Mysliman të Shqipërisë, H. Bujar Spahiu, Kryegjyshi Botëror i Bektashinjve, Haxhi Dede Baba Edmond Brahimaj, Kreu i Këshillit Ndërfetar të Shqipërisë, Gent Kruja, Ergest Biti, Kryetar i Vëllazëria Ungjillore e Shqipërisë e të tjerë.
Krah Begajt ishte edhe Presidentja e Kosovës dhe kardinali shqiptar Ernest Simoni.
“Bashkë, për të nderuar Papa Françeskun. Nderojmë kujtimin e Shenjtërisë së Tij, që na la një trashëgimi shpirtërore dhe morale për ruajtjen e dinjitetit njerëzor dhe të jetësojmë vizionin e tij për drejtësinë, solidaritetin dhe paqen”, ka shkruar Presidenti krahas fotos.
Top Channel
