Ndërprerja e seancës, Limaj: Shumë shpejt do të konstituohet Kuvendi dhe Qeveria 19/04 16:01
Kurti vazhdon me kritikat ndaj opozitës për moskonstituimin e Kuvendit, teksa thotë se “nuk mund të bëjë me shumë se sa me letrën e ditës së djeshme”.
Kurti: Konstituimi i Kuvendit dje u pamundësua se partitë opozitare nuk votuan për verifikimin e mandatave. Në thelb, ata që nuk pranuan ta merrnin mandatin e deputetit po kërkojnë nga unë që të mos jem kryeministër.
Krahas përmbushjes së mandatit të plotë qeverisës deri në fund të qeverisë së re unë u jam drejtuar kuvendit me një letër, për të cilën e kam njoftuar për statusin e qeverisë dhe dorëheqjen time. Më shumë se kaq nuk është e mundur, që të jap dorëheqje më shumë se kaq do të ishte braktisje e institucionit.
Është insistim për të lënë qeverinë pa zot shtëpie.
Ne kemi funksione të kufizuara por asesi s’mund të ketë ndalim funksionimi.
Kemi nga e kaluara shembullin e ish-kryeministrit Thaçi, që ndonëse kishte dhënë betimin si deputet kishte vazhduar të jetë kryeministër.
Ish-kryeministri Hoti mbeti në detyrë deri në zgjedhjen e qeverisë Kurti përkundër faktit që qeveria e tij u shpall e jashtëligjshme.
Një qeveri e dorëhequr, ndonëse ka përmbushur mandatin e saj katërvjecar na u dashka të largohet nga zyra e saj orë e më parë.
Top Channel
