Gjykatësi urdhëroi administratën Trump të kthejë të dëbuarin gabimisht, Shtëpia e Bardhë i drejtohet gjykatës së lartë 07/04 18:00
Presidenti ukrainas, Volodymyr Zelenskyy shprehu zhgënjimin për mungesën e një “përgjigjeje” të SHBA ndaj “refuzimit” të presidentit rus, Vladimir Putin për një armëpushim të plotë dhe të pakushtëzuar në Ukrainë, pas sulmeve të reja vdekjeprurëse ruse, përfshirë në Kiev.
Moska hodhi poshtë një propozim të SHBA-së për një armëpushim të plotë 30-ditor në mars, për të cilin Kievi kishte rënë dakord. Palët në konflikt më pas ranë dakord për një ndërprerje të kufizuar të sulmeve ndaj infrastrukturës energjetike në Ukrainë dhe Rusi, por të dyja palët akuzojnë njëra-tjetrën për shkelje të kësaj marrëveshjeje. Uashingtoni thotë se është ende në bisedime me të dyja palët.
“Ukraina ka pranuar propozimin amerikan për një armëpushim të plotë dhe të pakushtëzuar. Putin refuzoi”, tha Zelensky në fjalimin e tij të përditshëm drejtuar kombit ukrainas.
“Ne presim që SHBA të përgjigjet, deri më tani nuk ka pasur asnjë përgjigje”, kritikoi ai, duke thënë se pret masa nga evropianët dhe “të gjithë ata në botë që duan paqen”.
Zelensky, marrëdhëniet e të cilit me homologun e tij amerikan, Donald Trump kanë qenë të trazuara muajt e fundit, po i bën thirrje Uashingtonit të ushtrojë presion mbi Rusinë.
Më herët gjatë ditës së sotme, në një postim në rrjetet sociale, presidenti ukrainas tha se “presioni ndaj Rusisë është ende i pamjaftueshëm dhe sulmet e përditshme ruse në Ukrainë e dëshmojnë këtë”.
Kontaktet e reja midis zyrtarëve rusë dhe amerikanë ka të ngjarë të ndodhin “javën e ardhshme”, tha sot Kirill Dmitriev, i dërguari special i Putinit për investime dhe bashkëpunim ekonomik, sipas agjencive ruse të lajmeve. Megjithatë, ai nuk specifikoi natyrën e këtyre kontakteve.
Ndërkohë, të paktën dy persona u vranë, njëri prej tyre në Kiev, dhe tetë u plagosën në rajone të ndryshme të Ukrainës, në sulmet me raketa ruse që ndodhën gjatë natës të së shtunës, sipas autoriteteve ukrainase.
Top Channel
