Gazetari i njohur Ilir Ikonomi komenton mbylljen e “Zërit të Amerikës”: Vendim i trishtë!
25/03 20:00
Durrësi vazhdon të mirëpresë turistë nga vende të ndryshme të botës të cilët zgjedhin këtë qytet për historinë, arkitekturën dhe natyrën e tij unike.
“Qyteti na pëlqen shumë. Amfiteatri është spektakolar dhe uroj të zbulohet i gjithi sepse ia vlen. Edhe Torra Veneciane më pëlqen shumë. Kaq kam parë deri tani se sot erdhëm.”
“Jemi nga Gjermania dhe vijmë për herë të parë në Shqipëri e Durrës. Jemi para sezonit dhe vend i këndshëm, veçanërisht objektet antike dhe arkitektura e vjetër urbane. Bukur të jesh këtu e ta shohësh.”
Qyteti nuk tërheq vetëm për plazhet dhe klimën e tij të butë, por edhe për thesaret e historisë që fsheh në çdo cep të tij. Por përveç saj, rrugicave të vjetra dhe arkitekturës italiane, turistët zgjedhin edhe natyrën e paprekur nga urbanizimi dhe Kepi i Rodonit është një nga pikat më të preferuara për vizitorët.
“Jemi nga Polonia dhe erdhëm për weekend. Vizituam Kepin e Rodonit dhe tani Durrësin. I magjepsur nga natyra e Kepit të Rodonit. Bukuri e egër.”
“Peisazhet dhe udhëtimi i djeshëm në Kep ishin fantastike. Natyra, deti, gjithçka.”
“Jemi nga Britania e Madhe dhe sapo kemi mbërritur e duam të njihemi me qytetin e gjithçka tjetër. Është dita e parë këtu dhe duket bukur.”
Nga rrënojat e lashta te peizazhet e mrekullueshme natyrore, apo perëndimet mbi Adriatik, Durrësi dhe destinacionet përreth tij vazhdojnë të jenë një atraksion i veçantë për turistët.
Top Channel
