“Hajde këtu… bravo që ke ardh”/ Berisha premtim djalit të mitur: Gjyshi do t’ju hapë TikTok-un 15/03 22:50
Kreu i opozitës, Sali Berisha, vijoi edhe sot sulmet ndaj kandidatëve socialistë të 11 Majit.
Gjatë një bashkëbisedimi me qytetarët në rrjetet sociale, Berisha tha se Rama ka futur në lista njerëz me dosje kriminale.
Ndërsa kryeministri Rama kërkon mandatin e katërt për të integruar Shqipërinë në BE, Berisha premtoi lehtësim të standardeve për hyrjen e shqiptarëve në SHBA.
“Unë nuk mund të them heqjen e plotë të vizave, sepse siç e shikoni është bërë një problem madhor emigracioni në SHBA, por ne do të kërkojmë dhe garantojmë miqtë tanë se, do të plotësojmë çdo kriter për standardet më të lehta të hyrjes dhe daljes së shqiptarëve nga SHBA”.
Kreu i demokratëve, nuk i kurseu sulmet ndaj kundërshtarit të tij politik edhe për vendimin për mbylljen e Tik Tok.
“Edi Rama dëshmon se po të ishin ligjet e vjetra, nuk do i dridhej dora të varte në litar njëlloj si i atij, njëlloj siç po vepron me Tik Tok, të gjithë ata që do e kritikonim dhe do keni mendime ndryshe”.
Top Channel
