“Përfaqësuesit tanë janë rrugës për në Rusi”, Trump: Tani e ka në dorë Moska 12/03 19:58
Kancelari gjerman Olaf Scholz i përshkroi vendimet e SHBA për të vendosur tarifa si “të gabuara” dhe premtoi një përgjigje “të shpejtë”.
Nevoja për të parandaluar përshkallëzimin e mëtejshëm dhe dialogun me Uashingtonin u nënvizua nga Presidenti i Këshillit Evropian, Antonio Costa.
“Në tregti na duhen më pak, jo më shumë barriera, dhe për këtë arsye i konsideroj të gabuara vendimet e SHBA-së në lidhje me politikën doganore dhe ne do të përgjigjemi shpejt dhe në mënyrë të duhur, duke shqyrtuar vendimet e Komisionit Evropian për këtë çështje”, tha Scholz gjatë një konference të përbashkët për shtyp që dha me Presidentin e Këshillit Evropian Antonio Costa, në Berlin.
Kancelari pranoi gjithashtu se vendosja e tarifave shtesë do të godiste veçanërisht Gjermaninë.
Më herët, zëdhënësi i Ministrisë Federale të Ekonomisë, Stefan Gabriel Haufe, kishte kritikuar ashpër vendosjen e tarifave të reja nga SHBA-të për importet e çelikut dhe aluminit, duke theksuar se “askush nuk përfiton realisht nga mosmarrëveshjet e tilla doganore dhe kjo është arsyeja pse ne kritikojmë ashpër shpalljen e tarifave të reja amerikane”.
Top Channel
