Ukraina godet me dronë platformat nafte ruse në Detin Kaspik, ndërpritet prodhimi në dy rafineri 13/12 11:28
Administrata Trump do të shkurtojë kontratat dhe grantet në vlerë prej 400 milionë dollarësh për Universitetin e Kolumbisë, duke e akuzuar institucionin për antisemitizëm dhe dështim në mbrojtjen e studentëve hebrenj.
Sekretarja e Arsimit Linda McMahon njoftoi se “universitetet duhet të respektojnë të gjitha ligjet federale kundër diskriminimit nëse duan të marrin fonde federale. Kolumbia e ka braktisur këtë detyrë ndaj studentëve hebrenj që studiojnë në kampusin e saj.”
Referenca ka të bëjë me protestat pro Gazës që vitin e kaluar shënuan sezonin shkollor në kampusin e universitetit liberal të Nju Jorkut dhe janë ndër më të famshmet në botë, dhe që panë marshime dhe pushtime në shumë kolegje dhe universitete në të gjithë Shtetet e Bashkuara.
Një zëdhënës i Kolumbisë tha se shkolla po rishikon masat dhe është zotuar “të punojë me qeverinë federale për të rivendosur fondet federale të Kolumbisë”, duke shtuar se shkolla “është e përkushtuar për të luftuar antisemitizmin dhe për të garantuar sigurinë dhe mirëqenien e studentëve, fakultetit dhe stafit tonë”, shkruan Ëall Street Journal .
Gjithashtu sot, siç u kërcënua nga Sekretari i Shtetit Marco Rubio, Departamenti Amerikan i Shtetit hoqi vizën e studentit të parë të huaj të përfshirë në protestat pro-Gazës pranverën e kaluar. Studenti, emri dhe përkatësia universitare e të cilit nuk u zbulua, është lidhur me “trazirat pro-Hamasit”, tha një zëdhënës i Departamentit të Shtetit, duke shtuar se individi (“i huaj”, në terminologjinë e ringjallur nga Donald Trump) do të dëbohet nga vendi nga Emigracioni dhe Zbatimi i Doganave.
Top Channel
