Tragjike në Itali! Gjysmë e zhveshur dhe e mbuluar me shenja, gjendet trupi i pajetë i një gruaje në brigjet e lumit Serio 06/04 22:10
Presidenti rus Vladimir Putin e krahasoi presidentin Emanuel Macron me Napoleon Bonapartin.
“Ka ende njerëz që duan të kthehen në kohën e Napoleonit, duke harruar se si përfundoi”, tha Putin.
Macron iu kundërpërgjigj, duke e quajtur presidentin rus një “imperialist” që kërkoi të rishkruante historinë, shkruan Le Monde.
Bëhet e ditur se këto deklarata vijnë pas sugjerimit të Macronit për të shtrirë mbrojtjen bërthamore të Francës në vendet e tjera evropiane.
Bonaparti pushtoi Perandorinë Ruse në 1812 në një fushatë ushtarake katastrofike gjashtëmujore që përfundoi me fitoren ruse.
“Napoleoni kreu pushtime. E vetmja fuqi perandorake që shoh sot në Evropë është Rusia”, shtoi ai.
“Ai është një imperialist që kërkon të rishkruajë historinë”, përfundoi lideri francez.
Raportohet se Macron e quajti Rusinë një “kërcënim për Francën dhe Evropën” dhe tha se Franca ishte “e shqetësuar në mënyrë legjitime” për ndryshimin e pozicionit të Shteteve të Bashkuara për konfliktin në Ukrainë nën drejtimin e Trumpit.
Macron gjithashtu ripohoi se forcat ushtarake evropiane mund të dërgohen në Ukrainë nëse nënshkruhet një marrëveshje paqeje për të garantuar “respektimin” e një marrëveshjeje.
Top Channel
