VIDEO/ Aston Villa ia del në Belgjikë, anglezët mundin Club Brugge dhe hedhin një hap drejt çerekfinaleve të Champions-it 04/03 20:41
Liga e Kampionëve ka mbyllur katër ndeshjet e para të fazës së 1/16-ave, me tetë skuadra që zbritën në fushë mbrëmjen e sotme.
Pas takimit mes Club Brugge dhe Aston Villa, radha erdhi për gjashtë ekipet e tjera.
Në “Santiago Bernabeu” u luajtë derbi i Madridit mes Realit dhe Atleticos. Sfida nisi mjaft miër për “Los Blancos”, të cilët kaluan në avantazh që në minutën e 4’ me Rodrygon, por në të 32’, Julian Alvarez barazoi me një supergol.
Në minutën e 55’, Brahim Diaz kaloi sërish në avantazh ekipin e Ancelottit, i cili ishte dhe goli i fundit i takimit, me rezultatin që u mbyll 2-1, teksa çdo gjë mbetet e hapur për sfidën e kthimit javën e ardhshme në “Metropolitano”.
Në dy takimet e tjera të mbrëmjes, Arsenali luajti “tenis” me PSV-në në Holandë, duke fituar 1-7 në sfidën e parë, me “Topçinjtë” e Artetës që thuajse siguruan kalimin e tyre për në çerekfinale.
Borussia e Dortmundit nga ana tjetër, barazoi 1-1 në shtëpi me Lille, me fatet e të dyja skuadrave që do të luhen javën e ardhshme në Francë.
REZULTATET:
REAL MADRID 2-1 ATLETICO MADRID
Rodrygo 4’, Diaz 55’ / Alvarez 32’
PSV 1-7 ARSENAL
Lang (P) 43’ / Timber 18’, Nwaneri 21’, Merino 31’, Odegaard 47’, 73’, Trossard 48’, Calafiori 85’
DORTMUND 1-1 LILLE
Adeyemi 22’ / Haraldsson 68’
Top Channel
