Reperi i njohur shqiptar, Capital T, ka festuar ditëlindjen e tij të 33-të këtë vit, një moment të veçantë pasi data e tij e lindjes, 29 shkurti, ndodh vetëm një herë në katër vjet. Për këtë arsye, ai ka zgjedhur që këtë vit të festojë në dy data të ndryshme.
Festimet e artistit nisën në Prishtinë, qytetin e tij të lindjes, dhe vijuan më pas në New York City, një vend me rëndësi të madhe për të. Me këtë veprim, Capital T shndërroi ditëlindjen e tij në një udhëtim festiv mes dy kontinenteve, duke shijuar momente speciale në dy qytetet që ka më shumë për zemër.
Një moment i veçantë që ai ndau me ndjekësit e tij ishte një video ku shfaqej duke ecur dorë për dore me të dashurën e tij, modelen Adrola Dushi, një shenjë e dashurisë dhe lumturisë në këtë ditë të veçantë.Përveç suksesit të tij të jashtëzakonshëm në muzikë, Capital T vazhdon të mbetet një nga artistët më të dashur dhe më të ndikshëm në skenën shqiptare, duke marrë urimet dhe mesazhet e përzemërta nga fansat e tij në këtë përvjetor të paharrueshëm./TAR
Top Channel
