Zëdhënësja e Ministrisë së Jashtme ruse reagon ashpër pas përplasjes Trump-Zelensky: Është mrekulli se si Trump nuk e goditi këtë të poshtër 28/02 23:05
Presidenti francez, Emmanuel Macron shprehu publikisht mbështetjen për Volodymyr Zelenskyy menjëherë pas takimit të liderit ukrainas me presidentin, Donald Trump.
“Ne të gjithë bëmë gjënë e duhur që ndihmuam Ukrainën dhe sanksionuam Rusinë tre vite më parë dhe do vazhdojmë ta bëjmë këtë”, u tha Macron gazetarëve gjatë vizitës në Portugali.
“Ka një agresor, që është Rusia, dhe një popull i sulmuar, që është Ukraina”, shtoi presidenti francez”
Pas tij dhjetëra liderë të tjerë evropianë kanë mbështetur publikisht presidentin Zelensky mas takimit të tij të tensionuar me homologun amerikan.
Presidentja e Komisionit Evropian Ursula von der Leyen dhe presidenti i Këshillit Evropian Antonio Costa postuan të njëjtin koment në llogaritë e tyre në mediat sociale duke shkruar:
“Dinjiteti juaj nderon trimërinë e popullit ukrainas. Ji i fortë, trim dhe i patrembur. Ju nuk jeni kurrë vetëm, i dashur President. Ne do të vazhdojmë të punojmë me ju për një paqe të drejtë dhe të qëndrueshme”
Shefja e politikës së jashtme të BE-së Kaja Kallas tha se është bërë e qartë se “botës së lirë i duhet një udhëheqës i ri”.
“Ukraina është Evropë! Ne qëndrojmë pranë Ukrainës. Ne do të shtojmë mbështetjen tonë për Ukrainën në mënyrë që ata të vazhdojnë të luftojnë kundër agresorit. Sot u bë e qartë se bota e lirë ka nevojë për një lider të ri. Varet nga ne, evropianët, ta përballojmë këtë sfidë”, shkroi Kallas në një deklaratë në rrjetet sociale.
Kancelari gjerman në largim, Olaf Scholz shkroi:
“Askush nuk dëshiron paqe më shumë se qytetarët e Ukrainës! Kjo është arsyeja pse ne po punojmë së bashku për të arritur një paqe të qëndrueshme dhe të drejtë. Ukraina mund të mbështetet te Gjermania dhe te Evropa”
Kryeministri holandez, Dick Schoof tha:
“Holanda vazhdon të mbështesë Ukrainën. Sidomos tani. Ne duam paqe të qëndrueshme dhe një fund të luftës së agresionit që ka nisur Rusia. Për Ukrainën, për të gjithë banorët e saj dhe për Evropën”
Kryeministri i Luksemburgut, Luc Frieden iu bashkua liderëve të tjerë evropian:
“Luksemburgu qëndron me Ukrainën. Ju po luftoni për lirinë tuaj dhe një rend ndërkombëtar të bazuar në rregulla”
Ashtu si presidenti portugez, Luis Montenegro:
“Ukraina mund të mbështetet gjithmonë te Portugalia”
Top Channel
