“Uroj më të mirën për ty”/ Loredana sqarohet me Jozin: Mua më vjen të të përqafoj… 28/02 20:43
Sot kryeministri Edi Rama zhvilloi takim me njësitë 1, 2, Pezë, Ndroq dhe Vaqarr.
Ndërsa ritheksoi se ishte PS që realizoi Reformën në Drejtësi, SPAK dhe GJKKO, kryeministri u shpreh se kush do të udhëheqë, duhet të marrë përsipër të gjitha dhimbjet.
“Misioni i PS është të bëjë shtetin demokratik të shqiptarëve”, tha Rama, ku shtoi se “e vetmja rrugë që kemi në këtë vend, nuk pyet sa i gjatë je, sa i shkurtër je sa i pasur je, sa miq ke, por gjykon në bazë të marrëdhënies tënde me ligjin”.
Rama: Ata të cilët bënë çmos që të mos e lejojë të ndodhë ajo që po ndodh sot fërkojnë duart dhe na sulmojnë ne, pse ndodh që njerëz të lidhur me pushtetin tonë janë me dënime, hetime. Këtë e kemi bërë ne me vetëdije të plotë, po të mos e kishim bërë ne do të duhet të na tregonin se ku është bërë para se ta bënim ne, nuk di që nga 1912 dhe deri pasi ne kaluam reformën në drejtësi të jetë kapur ndonjë person publik politik nga një prokuror dhe gjykatës i pavarur duke qenë ky i lidhur me ata që janë në qeveri, flas për një drejtësi që nuk do të dijë kush është në qeveri, këtë e bëmë ne, s’e bënë të tjerët.
Si e bëre ti ku e di që do kapeshin njerëzit tonë. Misioni i PS është të bëjë shtetin demokratik të shqiptarëve, kush do të udhëheqë duhet të marrë përsipër të gjitha dhimbjet, duhet të marrësh vendime që sjellin pasoja të drejtpërdrejta edhe tek ty. Të kesh shpatën, kjo është drejtësia, veç shpatës duhet edhe peshorja. Është e vetmja rrugë që të kemi në këtë vend që nuk pyet sa i gjatë je, sa i shkurtër je sa i pasur je, sa miq ke, por të gjykon në bazë të marrëdhënies tënde me ligjin.
Top Channel
