Rritja ekonomike do jetë 3.7%, BERZH: Politika e re e SHBA do ndikojë negativisht në Ballkan
27/02 15:19
Duke filluar nga data 3 mars, në administratë nuk do të rekrutohen më punonjës.
Ministrja e Shtetit për Administratën, Adea Pirdeni njoftoi se në kuadër të zgjedhjeve të përgjithshme parlamentare të 11 majit ky vendim është marrë për të garantuar një proces të rregullt zgjedhor.
“Parashikohet shprehimisht në këtë vendim, që sikurse diktohet nga Kodi Zgjedhor, Departamenti i Administratës Publike do të pezullojë të gjitha procedurat e rekrutimit për periudhën e fushatës zgjedhore, pra nga 11 prilli deri në 11 maj, me qëllim që të garantohet një proces zgjedhor i rregullt dhe i drejtë.
“Por në këtë vendim ne kemi kaluar në një nivel tjetër për të garantuar një standard edhe më të lartë të garantimit të paanshmërisë të procesit zgjedhor duke parashikuar që prej datës 3 mars 2025 do të ndalohet çdo procedure rekrutimi nga institucionet që rekrutojnë punonjësit e tyre përmes Kodit të Punës. Natyrisht procedurat e nisura do të duhet të përfundojnë, por asnjë procedurë e re punësimi në ministri në institucionet e varësisë, por edhe në ato shoqëri aksionere me kapital shtetëror nuk mund të zhvillohen.
Ky vendim parashikon vetëm një përjashtim. Në raste të konsideruara si të jashtëzakonshme, kur cenohet dhënia e shërbimit për qytetarët në institucionet e infrastrukturës kritike, shëndetësisë, arsimit dhe institucionet e mbrojtjes dhe sigurisë kombëtare.”
Ministrja Pirdeni deklaroi se punonjësit e administratës të cilët do të jenë përgjegjës për mbarëvajtjen e një procesi të sigurt zgjedhor do të jetën në gatishmëri.
“Natyrisht këto detyrime janë edhe më të përforcuara për një kategori tjetër të punonjësve të administratës publike, sikurse janë punonjësit e Policisë së Shtetit, punonjësit e Gardës së Republikës, ushtarakët aktivë, natyrisht edhe për punonjësit e Shërbimit Informativ, për të cilët garantimi i depolitizimit të tyre përgjatë kësaj periudhe është gjithashtu domosdoshmëri”.
Ndalesa e rekrutimeve në administratën publike është një masë e zakonshme që synon të shmang ndikimet politik, një praktikë në raport me standardet ndërkombëtare për zgjedhje të lira dhe të ndershme.
Top Channel
