Ndalojnë punën e institucioneve shtetërore të Bosnjës brenda entitetit, kuvendi i Republikës Sërpska miraton ligjet 27/02 22:46
Rose Girone, e cila festoi ditëlindjen e saj të 113-të më 13 janar 2025 dhe besohet të jetë e mbijetuara më e vjetër e Holokaustit, ka ndërruar jetë.
Shkak, sipas vajzës së saj, Reha Benikasi, ishte mosha e vjetër.
Girone, e cila kishte një dyqan thurjesh në Forest Hills, Queens, ishte një person i jashtëzakonshëm dhe shumë i dashur në komunitet e saj në qytetit të Nju Jorkut.
Girone ka folur shpesh për përvojat e saj gjatë luftës: Ajo dha dëshmi për Fondacionin USC Shoah, Qendrën e Përkujtimit të Holokaustit dhe Tolerancës të Qarkut Nassau dhe shumë të tjerë.
“Ajo ishte një zonjë e fortë. Ajo gjente më të mirën situata në situatat më të tmerrshme. Ishte shumë e ndjeshme, shumë e arsyeshme. Më ndihmonte me çdo gjë, që nga fëmijëria. Ajo ishte një zonjë e shkëlqyer…”, tha vajza e saj.
Në vitin 1939, Girone shfrytëzoi mundësinë për t’u larguar nga Gjermania naziste pasi një i afërm i dërgoi asaj një copë letër që ai tha se ishte një vizë, e shkruar në gjuhën kineze. Shangai ishte një nga portet e fundit të hapura në botë. Girone u paraqiti një vizë autoriteteve naziste dhe ia doli të largohej.
Pasi theu pati një aksident tre vjet më parë, Girone u transferua në Qendrën e Infermierisë dhe Rehabilitimit Belair në North Bellmore, e cila është afër vajzës së saj Gina.
“Sekreti për një jetë të gjatë dhe të shëndetshme është i thjeshtë: Jetoni çdo ditë me një qëllim, rrisni fëmijë të mrekullueshëm dhe hani shumë çokollatë të zezë”, tha Girone në ditëlindjen e saj të 113-të.
Top Channel
