Gjimshiti shqetëson Shqipërinë para eleminatoreve, dëmtohet mbrojtësi i Kombëtares! 23/02 22:38
Galatasaray ka akuzuar José Mourinhon për “deklarata raciste” dhe ka thënë se do të nisë procedim penal kundër trajnerit të Fenerbahçes për komentet e tij pas barazimit 0-0 në Super Ligën Turke të hënën.
Edhe pse nuk ishte e qartë se për cilat deklarata i referohej Galatasaray , Mourinho tha se pankina e vendasve ishte “duke kërcyer si majmunët” dhe se ndeshja do të ishte një katastrofë nëse do të ishte në krye një arbitër turk. Ndeshja e së hënës u arbitrua nga slloveni Slavko Vinçiç pasi të dy klubet kërkuan që një zyrtar i huaj të merrte përgjegjësinë.
Galatasaray tha në X se Mourinho “ka lëshuar vazhdimisht deklarata nënçmuese drejtuar popullit turk” që kur mori rolin e tij si trajner i Fenerbahçes.
“Sot, diskursi i tij është përshkallëzuar përtej komenteve thjesht imorale në retorikë pa mëdyshje çnjerëzore,” tha klubi.
“Ne deklarojmë zyrtarisht synimin tonë për të filluar procedimin penal në lidhje me deklaratat raciste të bëra nga José Mourinho dhe në përputhje me rrethanat do të paraqesim ankesa zyrtare në UEFA dhe FIFA”.
Mourinho është gjobitur dhe pezulluar më parë për komentet e tij për zyrtarët turq të ndeshjes. Portugezi ka qenë sërish kritik ndaj arbitrave turq në një konferencë për shtyp pas ndeshjes.
“Unë shkova në dhomën e zhveshjes së gjyqtarëve pas ndeshjes. Sigurisht, gjyqtari i katërt ishte aty, një arbitër turk. I thashë Vinçiçit: ‘Faleminderit që erdhe këtu sepse ti vjen për një ndeshje të madhe dhe je përgjegjës për një ndeshje të madhe’. Dhe u ktheva te gjyqtari i katërt dhe i thashë: Nëse ju do të ishit arbitri kryesor, kjo ndeshje do të ishte një katastrofë’”, tha Mourinho.
Portugezi gjithashtu lavdëroi Vinçiçin që nuk i dha karton të verdhë mbrojtësit Yusuf Akcicek në fillim të ndeshjes pavarësisht reagimit të pankinës së Galatsarary.
“Duhet të falënderoj gjithashtu arbitrin, sepse me një gjyqtar turk pas ndërhyrjes në minutën e parë, stoli i tyre kërcen si majmunët, me një gjyqtar turk do të kishe një karton të verdhë pas një minute dhe pas pesë minutash do të duhej ta ndërroja atë”, tha ai.
Top Channel
