Europa dhe Conference League/ 16 ndeshje sot në Digitalb për play-off e fundit të kupave të Europës 20/02 14:49
Liverpool ka hedhur një hap fals në garën për titull në Premier League, me “Reds”-at që barazuan 2-2 në transfertë me Aston Villa.
Sfida e zhvilluar në mesjavë, e cila do të zëvendësojë javën kur Liverpool do të luajë finalen e Kupës së Ligës përballë Newcastle, solli shumë spektakël në “Villa Park”, ku u shënuan plot katër gola.
Të parët që kaluan në avantazh ishin të besuarit e Arne Slot me të përhershmin Salah në minutën e 29’, por pas 9 minutash, Tielemans barazoi sfidën.
Në fundin e pjesës së parë, Watkins “shtangu” mbrojtjen e Liverpool dhe kaloi në avantazh ekipin e Unai Emery.
Në minutën e 61’, ishte Trent Alexander-Arnold që barazoi sfidën pas një asisti të Salah, teksa pak minuta më vonë Nunez kishte rastin për të përmbysur çdo gjë, por me portën e boshtaisur nuk arriti dot të shënonte.
Kështu Liverpool shkon në kuotën e 61 pikëve, me Arsenalin që mund ta ngushtojë diferencën me 5 pikë në fundjavë nëse do të fitojë me West Ham.
REZULTATI:
ASTON VILLA 2-2 LIVERPOOL
Tielemans 38’, Watkins 45+3’ / Salah 29’, Alexander-Arnold 61’
Top Channel
