Argjentina dhe Messi do të shkojnë të vizitojnë Angolën…dhe do të marrin 12 milion euro 31/10 12:17
Reali i Madridit arriti ta kalonte “pengesën” Manchester City në Ligën e Kampionëve, për të vazhduar më tej në fazën e 1/8-ave.
Pas fitores së arritur me përmbysje në ndeshjen e një jave më parë në Angli, sfida e dytë nisi mjaft mirë për të besuarit e Ancelottit.
Në minutën e 4’ të takimit, Kylian Mbappe realizoi një supergol dhe pas disa minutash, ishte sërish francezi që dyfishoi shifrat.
“Qytetarët” e Guardiolës u përpoqën të rifuteshin në lojë, por mbrojtja e “Los Blancos” ishte e pakalueshme, teksa në minutën e 61’, Mbappe kompletoi tripletën e tij, e para me Realin e Madridit.
Një gol i Nico Gonzalez mjaftoi vetëm për statistikë, me rezultatin përfundimtar që shënoi 3-1, teksa kampionët e Anglisë largohen me “kokën ulur” nga ky edicion i Ligës së Kampionëve.
Tashmë Reali do të presë shortin e së premtes, aty ku do të mësojë se me cilën prej Atletico Madridit ose Bayer Leverkusenit do të ndeshet në fazën e 1/8-ave.
Në sfidat e tjera, PSG arriti një fitore tenistike, me rezultatin 7-0 përballë rivalëve të Brest, ndërsa Dortmund barazoi pa gola përballë Sporting, duke u kualifikuar falë sfidës së parë.
Nga ana tjetër, Juventus u mposht 2-1 nga PSV në Holandë, me sfidën që shkoi në kohën shtesë. Në 30 minutat shtesë holandezët e PSV shënuan golin e fitores duke siguruar kështu kualifikimin për në fazën 1/16-ta.
REZULTATET:
REAL MADRID 3-1 MAN. CITY (6-3)
PSG 7-0 BREST (10-0)
PSV 3-1 JVENTUS (4-3)
BORUSSIA DORTMUND 0-0 SPORTING LISBON (3-0)
Top Channel
