U munduan të shantazhonin familjen e Schumacher-it për t’iu marrë 15 milionë €, gjykata gjermane dënon 3 personat e përfshirë në skemë 14/02 16:43
Getty Images
Futbollisti koreano-jugor Hwang Ui-jo është dënuar me një vit burg me kusht pasi filmoi në mënyrë të paligjshme skena seksuale me një grua, raportoi agjencia e lajmeve Yonhap.
32-vjeçari, ish-sulmues i Norwich City dhe Nottingham Forest, luan aktualisht për klubin turk Alanyaspor. Ai gjithashtu ka qenë pjesë e kombëtares së Koresë së Jugut, por u pezullua në vitin 2023 pas akuzave kundër tij.
Gjykata e Seulit deklaroi se “duke marrë parasysh seriozitetin e efekteve të dëmshme shoqërore të filmimeve të paligjshme, është e nevojshme që [Hwang] të ndëshkohet rreptësisht.”
Megjithatë, u theksua se Hwang kishte shprehur pendesë dhe se videot ishin postuar në rrjetet sociale nga një palë e tretë.
Gjatë paraqitjes së tij të parë në gjykatë në dhjetor, Hwang tha se ishte “thellësisht i penduar” për shkaktimin e “zhgënjimit.”
Videot dolën në dritë pasi kunata e Hwang i publikoi ato në rrjetet sociale qershorin e kaluar, në përpjekje për ta shantazhuar.
Ajo u dënua me tre vjet burg në shtator për shantazh, pasi Hwang e paditi atë.
Megjithatë, akuzat kundër tij vazhduan, pasi prokurorët deklaruan se ai kishte filmuar marrëdhënie seksuale me dy gra pa pëlqimin e tyre në katër raste në vitin 2022.
Fillimisht ai kishte pretenduar pafajësinë, por në tetor pranoi fajësinë për akuzat e filmimeve të paligjshme.
Ai u shpall fajtor për akuzat që lidhen me njërën nga gratë, por u shpall i pafajshëm për akuzat në lidhje me tjetrën.
Kamerat e fshehta të përdorura për të regjistruar gratë dhe marrëdhëniet e tyre seksuale janë një problem serioz në Korenë e Jugut.
Gjatë dekadës së fundit, mijëra persona janë arrestuar për filmime të fshehta, duke shkaktuar frikë dhe zemërim mes grave në të gjithë vendin.
Top Channel
