Armëpushimi në Gaza, pritet lirimi i tre pengjeve izraelitë 15/02 07:32
“Është një skenar apokaliptik. Negociatat po zhvillohen këtu pa ukrainasit dhe evropianët,” tha për të përditshmen Bild, Karlo Masala, profesor i politikës ndërkombëtare në Universitetin Bundeswehr në Mynih, duke komentuar bisedimet midis presidentit të SHBA Donald Trump dhe presidentit rus Vladimir Putin.
Ai ka frikë se përfaqësuesit evropianë “nuk do të kenë vend në tryezën e bisedimeve” dhe se e njëjta gjë mund të ndodhë edhe me ukrainasit.
Masala beson se tërheqja e paralajmëruar e SHBA nga zhvillimet në Ukrainëështë “gjëja më e mirë që mund t’i ketë ndodhur Putinit”. “Forcat paqeruajtëse evropiane nuk do ta pengojnë Putinin të bëjë një përpjekje tjetër për të pushtuar pjesën tjetër të Ukrainës brenda pak vitesh”, tha eksperti ushtarak.
Politikanët gjermanë nuk bëjnë parashikime të tilla apokaliptike, por këmbëngulin se Ukraina dhe Evropa nuk duhet të injorohen kur negociatat janë duke u zhvilluar. Por ata gjithashtu theksojnë me kujdes rolin e rëndësishëm të SHBA-së në çdo paqëruajtje të ardhshme në Ukrainë.
“Gjëja më e rëndësishme tani është të mos i imponojmë paqen askujt”, tha kancelari gjerman, Olaf Scholz në një intervistë për Politico. Ai gjithashtu theksoi se çdo zgjidhje e ardhshme, veçanërisht kur bëhet fjalë për garancitë e sigurisë për Ukrainën, nuk do të jetë e mundur pa Shtetet e Bashkuara të Amerikës. Por ai theksoi se çdo diskutim rreth pjesëmarrjes dhe përbërjes së forcave të mundshme paqëruajtëse në Ukrainë është aktualisht “i parakohshëm”.
Ministri gjerman i Mbrojtjes, Boris Pistorius tha se Evropa dhe Ukraina “nuk duhet të mbeten anash” në bisedimet e ardhshme të paqes. Ai kritikoi taktikat negociuese të presidentit amerikan Donald Trump. “Është për të ardhur keq që qeveria e Donald Trump ka bërë haptazi lëshime ndaj Putinit që në fillim”, tha Pistorius.
Ministrja e Jashtme Annalena Baerbockiu bashkua kritikave ndaj bisedimeve paqësore mes Trumpit dhe Putin për Ukrainën, por pa Ukrainën. “Nuk duhet të ketë bisedime për paqen në Ukrainë pas shpinës së ukrainasve”. “Kjo është paqja evropiane dhe kjo është arsyeja pse ne evropianët duhet të marrim pjesë në të,” tha Baerbock në një intervistë me transmetuesin publik Deutschlandfunk. Ajo theksoi se kjo paqe nuk duhet t’i ngjajë “paqes së vitit 2014”, kur Rusia pushtoi Krimenë dhe luftimet në Ukrainën lindore vazhduan me egërsi të pandërprerë.
“Në një situatë të tillë paqeje, është e paimagjinueshme të dërgohen ushtarë në Ukrainë”, tha Baerbock. Ajo beson se një mision i Helmetave Blu është gjithashtu i mundur për ruajtjen e paqes së ardhshme në Ukrainë./ DW
Top Channel
