Ekskluzive/ “Xhaxhai ka dhënë jetën për këtë tokë! As varrin s’ia dimë”, flasin familjarët e Gjestit pas deklaratës së Jozit: Preku plagë të hapura, e dhimbshme! Babai i tij… 06/02 13:45
Për të dytën herën brenda pak ditësh, kryeministri Edi Rama përfshin ish-rivalin e tij, Lulzim Bashën, në komunikimet virtuale me qytetarët.
Gjatë leximit të disa komenteve sot, një qytetar e pyeti nëse do t’i bënte shqiptarëve një tortë në Tiranë meqenëse ata e duan dhe Rama përmendi tortën gjigande që u bë në kryeqytet me rastin e 100 vjetorit të Pavarësisë kur Lulzim Basha ishte kryebashkiak.
“Lul Bashën kemi pasur omëlsinë, ndaj jo rastësisht tortën e bëri Lul Basha. Nga të gjitha ato që tha vetëm një tortë ka bërë. O Lul ku je se sa herë më kujtojnë ty kam një nostalgji një përvëlim”, iu përgjigj Rama, qytetarit.
Pasi e përmendi në bisedë, Lulzim Basha, reagoi përmes një postimi në faqen e tij në Facebook, ku thekson se në kohën kur ai drejtonte Bashkinë e Tiranës, nuk kishte projekte korruptive, por investime reale për qytetin dhe qytetarët. Sipas tij, nuk kishte kulla për pastrim parash apo afera të dyshimta, por projekte për rrugë, shkolla, çerdhe dhe një Tiranë më të pastër.
Reagimi i plotë i Bashës:
Sipas Edi Ramës, kush nuk vjedh është i paaftë. Nëse s’ke vjedhur, s’ke bërë asgjë sipas Ramës.
E vërteta është se, në Bashkinë e Tiranës nuk ka patur 5D, por ka nisur ndërtimi i Bulevardit të ri të Tiranës.
Nuk ka patur kulla betoni ku pastrohen paratë e krimit, por ka patur projekte zhvillimi, rrugë, shkolla, çerdhe, kopshte.
Nuk ka patur projekte që mbushin xhepat e kryetarit të bashkisë, por projekte që i jepnin zhvillim qytetit dhe dinjitet qytetarëve në çdo cep të kryeqytetit.
Nuk kishte vjedhje me inceneratorë imagjinarë, por projekte për një Tiranë të pastër me kosto të ulëta.
Kryeministri që ka hyrë në histori për futjen e krimit në qeveri, për bashkëpunimin e tij për të marrë pushtetin, për nivelin më të lartë të korrupsionit në Europë, nuk e kupton se:
Është më mirë një tortë për gëzim, apo burg për t’i marrë pronën për kullat ku pastrohen paratë e krimit?
Më mirë siguri përmes NATO-s, apo t’ia dorëzosh qeverinë krimit?
Më mirë t’u japësh qytetarëve lëvizjen e lirë, apo t’i përzësh sepse nuk ia dalin të mbyllin muajin në Shqipëri?
Më mirë t’u japësh rrugë me standarde europiane, apo t’i vjedhësh duke i detyruar të paguajnë taksën e korrupsionit?
Top Channel
