Tragjike në Gjermani, nëna vret dy djemtë e saj dhe më pas veten 05/02 19:41
Qindra gra u përdhunuan dhe u dogjën të gjalla gjatë kaosit në Republikën Demokratike të Kongos, kur një grup rebel i mbështetur nga Ruanda hyri në qytetin kongolez të Gomës javën e kaluar.
Të burgosurat femra u sulmuan brenda burgut Munzenze të Gomës gjatë një arratisjeje masive, sipas një zyrtari të lartë të OKB-së.
Nënkryetari i forcës paqeruajtëse të OKB-së me bazë në Goma, Vivian van de Perre, tha se ndërsa disa mijëra burra arritën të arratiseshin nga burgu, sektori i grave të burgosura u dogj, shkruan Guardian.
Pamjet e marra menjëherë pasi rebelët M23 të mbështetur nga Ruanda arritën në qendër të Gomës, zbulojnë shtëllunga të mëdha tymi të zi që ngriheshin nga burgu në mëngjesin e 27 janarit.
Të martën, doli se rreth 2,000 trupa ishin ende në pritje të varrimit pasi rebelët M23 pushtuan Goma, kryeqyteti i provincës Kivu Veriore të Republikës Demokratike të Kongos.
Van de Perre, i cili tani ndodhet në Goma me mijëra trupa paqeruajtëse të OKB-së të dislokuara për të mbrojtur qytetarët, tha: “Kishte një shpërthim të madh burgu prej 4,000 të burgosurish të arratisur. Në atë burg ishin edhe disa qindra gra. Ata përdhunuan gratë dhe më pas i vunë zjarrin sektorit të tyre. Të gjithë vdiqën më pas.”
Top Channel
