Policia e Uellsit ka zbuluar një shtëpi bari, e cila ka çuar në arrestimin e tre shqiptarëve, pronarët e kultivimit të narkotikëve.
Shqiptarët, bëhet fjalë për: 27-vjeçarin Njazi Gjana, 24-vjeçarin Ervin Gjana dhe 29-vjeçarin Armeld Troski, ndërsa kanabisi arrin një vlerë 620 mijë paund.
Dy personat me mbiemrin Gjana u dënuan me nga dy vite e gjashtë muaj burg, ndërsa Armeld Troski u dënua me tre vjet e katër muaj për këtë vepër penale.
Policia e Dyfed-Powys ka kryer kontroll në ish-shkollën fillore më 15 nëntor 2024 pas raportimeve nga publiku për aktivitet të dyshimtë atje.
Me hyrjen në pronë, oficerët e kishin të qartë se ky ishte një strukturë në shkallë të gjerë dhe të sofistikuar, e cila ishte modifikuar qëllimisht për të akomoduar e fshehur kanabisin.
Gjatë inspektimit të pronës dhe sasive të mëdha të kanabisit në tre katet e saj, oficerët dëgjuan tinguj lëvizjesh që vinin nga kati i poshtëm, duke treguar se kishte njerëz të tjerë të pranishëm në ndërtesë, raporton policia.
Oficerët vepruan me shpejtësi për të lokalizuar dhe arrestuar dy persona, Njazi dhe Armeld.
Personi i tretë, Ervin Gjana, u arratis nga prona duke u ngjitur mbi një gardh me tela dhe vrapuar drejt fushave aty pranë.
Nëpërmjet përdorimit të një droni dhe kontrollit fizik nga oficerët, Gjana u gjet në një anë pranë rrugës duke u vënë kështu në pranga.
Pas arrestimit të tyre, të tre shqiptarët u akuzuan për prodhimin e një droge të klasit B dhe u deklaruan fajtorë për veprën penale kur u paraqitën në Gjykatën e Kurorës Swansea.
Top Channel
