Dy persona janë arrestuar nga policia e Tiranës, pasi rezultoi se shisnin doza të lëndës narkotike në afërsi të një shkolle në kryeqytet.
Në pranga kanë rënë D.D., 40 vjeç dhe P. G., 28 vjeç, të cilët lëndën narkotike e fshihnin në ambientet e një lavazhi në përdorim nga njëri prej tyre.
Po ashtu, po ndiqet penalisht një person tjetër të cilit iu gjet një sasi lënde narkotike kanabis që dyshohet se ia kishte blerë njërit prej të arrestuarve.
Nga ky operacion janë sekuestruar 220 doza kanabisi, 20 doza kokaine, 1 armë e ftohtë (thikë), një shumë parash e përfituar nga shitja e lëndëve narkotike, 2 peshore elektronike dhe 2 celularë.
Materialet procedurale i kaluan Prokurorisë, për veprime të metejshme.
Top Channel
