Moment historik për familjen e Joe Biden! 82-vjeçari bëhet stërgjysh
10/01/2025 08:10
Mrekulli në mes të detit, emigrantja sjell në jetë foshnjën në gomone 09/01 23:03
Presidenti Joe Biden bëhet stërgjysh, një moment historik për familjen e tij. Në një ngjarje të veçantë, mbesa e tij, Naomi Biden, solli në jetë një djalë të mërkurën.
Kjo është hera e parë që një president modern bëhet stërgjysh gjatë ‘mandatit’ të tij.
Lajmi erdhi pas një raportimi për situatën e zjarreve në Kaliforni, ku Biden, duke u shprehur për situatën, ndau gjithashtu gëzimin e tij për shtimin e një anëtari të ri në familje.
Më vonë, Zonja e Parë, Jill Biden, publikoi një foto në Instagram ku shfaqej çifti i ri, Naomi dhe Peter Neal, me djalin e tyre të porsalindur, William Brannon Neal IV.
Ky emër nderon xhaxhain e të porsalindurit, Willie Neal, i cili humbi jetën 15 vjet më parë në një aksident automobilistik.
Naomi Biden, vajza e Hunter Biden dhe e gruas së tij të parë, Kathleen Buhle, u martua me Peter Neal në vitin 2022 në një ceremoni në Shtëpinë e Bardhë.
Para se të merrte pjesë në takimin për situatën e zjarreve, Presidenti Biden, së bashku me familjen e tij, vizituan Naomi-n në Qendrën Mjekësore Cedars-Sinai për të shprehur mbështetje dhe gëzim për këtë ngjarje të bukur.
Top Channel
