Performanca e dobët në finalen e Superkupës, në Itali janë të sigurt: Asllani largohet në verë nga Interi 08/01 17:58
Për tre sezone, treshja legjendare sulmuese e Barcelonës , Lionel Messi , Luis Suarez dhe Neymar dominoi futbollin botëror.
“MSN” regjistroi 364 gola dhe 173 asistime në tre sezone, që e çuan ekipin e Barcelonës drejt suksesit maksimal, duke përfshirë një tripletë historike në sezonin e tyre të dyte në sezonin e tyre të parë.
Sidoqoftë, transferimi rekord i Neymar në Paris Saint-Germain në 2017-n shënoi fundin e treshes legjendare të gjigantëve katalanas.
Messi dhe Suarez qëndruan së bashku edhe për tre sezone të tjera përpara se uruguaiani të transferohej tek Atletico Madrid. Megjithatë ata u ribashkuan në vitin 2024 në SHBA tek ekipi i Inter Miami-t, ndërsa braziliani aktualisht vazhdon aventurën e tij në Arabinë Saudite me Al Hilal.
Në një intervistë për CNN Sport, Neymar tha se do të ishte fantastike të ndante sërish fushën e blertë me Messin dhe Suarezin. Edhe pse është i lumtur në Arabinë Saudite, ai pranoi se futbolli është plot surpriza, duke lënë të hapur mundësinë e një ribashkimi.
“Natyrisht që të luaj sërish me Messin dhe Suarezin do të ishte e fantastike”, tha ai pasi fitoi çmimin “Player Career Award” të Globe Soccer Awards në Dubai.
“Ata janë miqtë e mi. Ne ende flasim me njëri-tjetrin. Do të ishte interesante ta shihnim treshen tonë sërish. Jam i lumtur në Al Hilal, jam i lumtur në Arabinë Saudite, por nuk i dihet. Futbolli është plot surpriza.”, shtoi Neymar.
“Kur doli lajmi se po largohesha nga Paris Saint-Germain, periudha e transferimeve ishte mbyllur në Shtetet e Bashkuara, kështu që nuk e kisha mundësinë tu bashkohesha miqve të mi”, përfundoi Neymar.
Suarez do të luajë së bashku me Messin në Shtetet e Bashkuara për të paktën një vit tjetër, pasi së fundmi arriti një akord për të zgjatur kontratën edhe për një vit me kampionët në fuqi të MLS. Ndërkohë, Neymar është nën kontratë në Arabinë Saudite deri në verën e këtij viti.
Top Channel
