“Nëse nuk plotësojnë kushtet s’kanë pse të jenë në garë”, Bozdo: Më mirë një proces i vlefshëm se sa një garë me kandidatë sa për numër 23/05 09:57
Mes dilemës se primareve dhe lindjes se partive te reja opozitare ne prag te zgjedhjeve te 11 majit, varkën elektorale të Partisë Demokratike e pret një lundrim i trazuar drejt betejës se pranverës.
Ethet e listave kane nisur te ndihen në selinë blu, ndërkohë që aleatët janë ende në pritje të formulës se koalicionit.
“Ajo që është e rëndësishme, është përfshirja e sa me shume subjekteve të djathta në këtë koalicion. Fraksionimi i opozitës do te ishte dem. Kujtoj 2021 pasi nëse 120 mijë votat e LSI do ishin pjesë e një koalicioni padyshim do ishin kthyer në më shumë mandate jo në katër siç mori LSI dhe do kishin një tjetër raport në përfaqësimin parlamentar”, thotë Fatmir Mediu.
Në listën e Partisë Demokratike do ketë një vend edhe për aleatët historik. Negociatat janë ende të hapura, por kryerepublikani Fatmir Mediu kërkon që aritmetika elektorale e liderit të opozitës të marrë për bazë peshën elektorale të partive të koalicionit.
“Sa i përket raporteve elektorale që do vendosin se ku do jete njëri apo tjetri mendoj qe duhet pare përfaqësimi politik parlamentar por dhe pesha e tyre ne qarqe politike te ndryshme”, shton ai.
Partia Demokratike po vrapon e ndarë drejt betejës së pranverës. Deputetet e shkëputur nga gjiri i saj kanë krijuar formacione te reja politike, si Enkelejd Alibeaj dhe Agron Shehaj, ndërkohë që Lulzim Basha nuk e ka ende formulën sesi do te futet në zgjedhje.
Por demokratët sfidën mesa duket, nuk e kane vetëm brenda llojit, por edhe me parti te reja si Lëvizja Bashke apo Shqipëria Bëhet, të cilët synojnë të zhbëjnë monopolin e dy partive te mëdha në Parlament.
Top Channel
