Majko i regjistruar nga SHISH për blerje votash në Kukës? Drejtori i Policisë që implikoi Berisha kishte dhënë dorëheqjen 2 vjet para zgjedhjeve lokale të 2023 07/01 21:17
Kryeministri Edi Rama mblodhi kryesinë e PS në të parën mbledhje për 2025 një vit elektoral drejt parlamentareve të 11 majit.
Sikurse edhe në mbledhjet e shkuara të kryesisë edhe sot fokusi ishte tek vota e diasporës.
Gazetari i Top Channel Muhamed Veliu, duke iu referuar burimeve nga kjo mbledhje e Kryesisë të PS raporton se kryeministri Edi Rama ka kërkuar ngritjen e zyrave të PS në diasporë si një mundësi për shtimin e kontakteve të drejtpërdrejta, me shqiptarët jashtë të cilët do të ketë mundësi të votojnë për herë të parë.
Në edicionin e lajmeve të orës 12:00 po ashtu gazetari Muhamed Veliu raportoi edhe një detaj për sa i përket censusit të brendshëm që PS po organizon me diasporën diskutuar në kryesi.
E pikërisht nga ky census deri më tani, rezulton se janë identifikuar rreth 200.000 shqiptarë në vende të ndryshme të botës të cilët janë shprehur se në zgjedhjet e 11 Majit preferojnë të votojnë PS.
Top Channel
