Për ju që ende nuk e dini, si ndikon gjumi në sistemin imunitar!

Kur flini sistemi i juaj imunitar prodhon substanca mbrojtëse që luftojnë infeksionin, sikurse antitrupat dhe citokinat.

Më pas, i përdor këto substanca për të luftuar ‘pushtuesit’ e huaj sikurse bakteret dhe viruset. Disa citokina ju ndihmojnë gjithashtu të flini, duke i dhënë sistemit tuaj imunitar më shumë efikasitet për të mbrojtur trupin tuaj kundër sëmundjeve.

Mungesa e gjumit parandalon sistemin tuaj imunitar të krijojë forcat e tij. Nëse nuk flini mjaftueshëm, trupi juaj mund të mos jetë në gjendje të shmangë pushtuesit dhe gjithashtu mund t’ju duhet më shumë kohë për t’u shëruar nga sëmundja. Privimi afatgjatë i gjumit gjithashtu rrit rrezikun për sëmundje kronike, të tilla si diabeti mellitus dhe sëmundjet e zemrës.

Sipas një studimi të publikuar së fundmi, një person shpenzon mesatarisht 26 vite të jetës së tij duke fjetur. Kjo mesatare përkthehet në afërsisht 9,500 ditë. Gjithashtu, një personi i duhen shtatë vite të tjera vetëm duke u përpjekur të flejë gjumë, duke arritur një total prej 33 vitesh, afërsisht një të tretën e jetës së tyre. Ky studim i rëndësishëm tregon rolin thelbësor që ka gjumi në mirëmbajtjen e mirëqenies fizike dhe mendore. Pavarësisht tundimit të zakonshëm për të reduktuar gjumin për të rritur produktivitetin, hulumtimet tregojnë se mungesa e pushimit të mjaftueshëm mund të çojë në rreziqe për shëndetin dhe të dëmtojë produktivitetin.

Justin Agustin një përdorues i TikTok, pohon se duke përdorur ‘metodën ushtarake’ do të bini në gjumë me sukses për vetëm dy minuta dhe duket se ka rezultuar efektive në 96% të njerëzve. Por që të jetë i suksesshëm, Justin thotë se duhet të jeni këmbëngulës dhe ta praktikoni atë për të paktën gjashtë muaj për rezultate të plota. “Mendoni si një investim në gjumë”-thotë ai. Cila është metoda ushtarake e gjumit? Sipas ekspertëve, kjo teknikë është zhvilluar nga ushtria amerikane, kryesisht për pilotët luftarakë, reflekset e të cilëve duhet të jenë 100% dhe për këdo që merr pjesë në beteja aktive dhe duhet të jetë në gjendje të flejë në situata të zhurmshme dhe stresuese, në mënyrë që të rikthejë energjitë.

Top Channel