Kanadaja bën gati paketën “hakmarrëse” ndaj Trump, ministrja e Jashtme kanadeze: Do taksojmë 107 miliardë dollarë importe amerikane 03/03 22:59
Sekretari amerikan i Shtetit Antony Blinken, në një telefonatë me Ministrin e Jashtëm të Turqisë Hakan Fidan, theksoi nevojën për të mbështetur një proces politik të drejtuar nga Siria në atë vend që “mbron të drejtat e njeriut dhe i jep përparësi një qeverie gjithëpërfshirëse dhe përfaqësuese”, sipas një deklarate nga Departamenti i Shtetit.
Zoti Blinken dhe zoti Fidan diskutuan gjithashtu mbi nevojën për të parandaluar kërcënimin e terrorizmit ndaj Turqisë dhe Sirisë, thuhet në deklaratë.
Ministria e Jashtme turke tha se gjatë telefonatës dy kryediplomatët diskutuan mbi nevojën për të vepruar në bashkëpunim me administratën e re siriane, për të siguruar një tranzicion të rregullt.
Ministri Fidan i tha Sekretarit Blinken se Ankaraja nuk do të lejojë milicinë kurde YPG të strehohet në Siri, tha zëdhënësi i Ministrisë së Jashtme turke.
Top Channel
