Klajdi Musabelliu rikthehet pas shumë vitesh në ekran, duke u bërë banor i “Big Brother Vip”. Ai e sheh këtë si mundësi për tu rikthyer në ekran, dhe për të rishfaqur veten para publikut të cilit me siguri i ka munguar shumë.
“Është program që më pëlqen shumë, është një dritare, ju falenderoj që më rikthyet sespe është mundësi. E shoh si mundësi për të rishfaqur veten, për të kënduar dhe për t’iu shfaqur publikut që i kam munguar. Mua më pëlqen dhe ja ku jam. Faleminderit të gjithëve”- tha Klajdi.
Klajdi Musabelliu është 41 vjeç, edhe pse në shpirt mbetet jgithmonë një i ri 20-vjeçar.
Ai është këngëtar, aktor dublant dhe gazetar. I evidentuar në spektaklin “Ethet e së premtes mbrëmba”- Ediconi i parë, fitues i vendit të dytë. Fituesi i fundit i Festivalit të Pranverës (Këngët e Stinës 2003) me këngën “Puthja e Parë”. Pjesëmarrës në mjaft festivale në Shqipëri e Kosovë, si Këngët e Shekullit, Festivali i RTSH-së, Kënga Magjike, etj. Ai ka ushtruar profesionin e gazetarit pranë ATSH për rreth 2 vjet. Paralelisht në më shumë se 15 vite, ka ushtruar dhe realizuar një tjeter pasion, atë të aktorit dublant në mjaft filma vizatimorë, përralla, kolona zanore hit për fëmijë si “Ben 10”, “Aladini”, “Ç`po shpik Andi” etj. Produksionet e fundit muzikore publikuar në YouTube – viti 2021 – 2 këngë me titujt “Lucky me fat” dhe “E di”, ku përveç rolit të interpretuesit, janë edhe krijime të realizuara si kantautor. Disi i shkëputur nga vëmendja publike kohët e fundit, Klajdi ka jetuar edhe disa vite në Itali ku ka punuar në sektorë të ndryshëm, nga pjatalarës e deri tek murator. Një kohësisht, nuk është shkëputur kurrë nga muzika, dashuria e tij më e madhe. Ka realizuar disa këngë që mendon t’i publikojë së shpejti. Është beqar, jeton me të ëmën e sëmurë në Laprakë, në një banesë në kushte jo të mira.
Top Channel
