Analiza e VOA-s: Qeveria amerikane rrezikon mbyllje të pjesshme në mesnatë 20/12 17:08
Ndërtesat përgjatë kanaleve ujore me famë botërore të Amsterdamit do të lejohen së shpejti të vendosin panele diellore në fasadat e çatitë e tyre, megjithë zemërimin e banorëve dhe mbrojtësve të trashëgimisë, të cilët thonë se do të shëmtojnë qytetin.
Shtëpitë historike të kryeqytetit datojnë prej shekullit të 16-të ose 18-të por zyrtarët thonë se “kanë izolim të dobët dhe konsumojnë shumë energji”.
Prej vitit 2025, bashkia e Amsterdam ka lejuar panelet në çatitë e ndërtesave rezidenciale edhe në zonat e mbrojtura por aktivistë të trashëgimisë së qytetit si Karel Loeff thotë se ndryshime të tilla janë të dëmshme.
Duke folur nga kanali qendror Grachtengordel i shpallur pjesë e trashëgimisë botërore, ai tha për rrjetin AFP:
“Politikat e qëndrueshmërisë mund të jenë të rëndësishme por panelet diellore janë të shëmtuara dhe nuk duhet të lejohen në çatitë e ndërtesave aq më pak të dukshme nga kanali sepse ato verbojnë pamjen e fasadave të mrekullueshme të shekullit të 18-të”.
Qeveria e re e djathtë holandeze do të bëjë së shpejti propozimet që pritet të prekin 10 000 ndërtesa në qytet, tha për AFP, Alexander Scholtes, zv. kryebashkiaku i Partisë së Gjelbër.
Por megjithë justifikimet e politikanëve Loeff thotë se komuniteti nuk do të pranojë shëmtimin e qytetit dhe kjo do të shkaktojë “kaos”.
Një tjetër grup i mbrojtjes së tashëjgimisë ‘Friends of Amsterdam City Center’, tha se instalimi paneleve diellore në pamje të plotë “dëmton rëndë zonën e mbrojtur urbane”. /AFP/
Top Channel
