“Të përshpejtohet procesi i integrimit”/ Deklarata e përbashkët e samitit BE-Ballkani Perëndimor: Dinamizëm i ri në proces
18/12 19:34
Deputeti demokrat, Agron Gjekmarkaj zhvilloi një takim me banorë të Lezhës këtë të mërkurë.
Ai shoqërohej nga kryetari i PD-së Lezhë, Gjin Gjoni dhe anëtarë të Grupit të Punës, teksa u ndal në disa pika të rëndësishme, ku gjithashtu i bëri thirrje qytetarëve të bashkoheshin në protestën e opozitës më 23 dhjetor në Tiranë.
Postimi i Gjekmarkajt:
Së bashku me Kryetarin e PD-së Lezhë, z.Gjin Gjoni dhe anëtar të Grupit të Punës, zhvilluam takimin e radhës me demokratë, qendrestar dhe banorë të Zadrimës
Në një ndër zonat më të cilat krenohet Lezha dhe mbarë Shqipëria. Toka e korifejve të mëdhenj të besimit, martirëve, lirisë, qëndresës, kulturës, dijes dhe sakrificës. Toka ku lindi Homeri shqiptar, At Gjergj Fishta.
Por, absurde ajo që ndodh me shtëpinë që ka jetuar vetë At Gjergj Fishta, e cila u inaugurua me aq bujë nga Edi Rama dhe Pjerin Ndreu dhe fill më pas është kyçur në çelës pasi qeveria as bashkia nuk ishin marrë me çështjen mbi pronësinë. Tani na kanë sjellë këtu Uluziun i cili pasi qiti në selamet Dibrën erdhi të rregullojë Lezhën!
Dhe pse e kësaj rëndësie, kjo zonë kaq e bukur nuk ka marrë mbështetjen e merituar ndaj është boshatisur kaq shumë dhe fatkeqësisht mbyllur dhe shkolla.
Në fshatrat e Blinishtit dhe të Dajçit, situata mbetet e vështirë për fermerët, për blegtorët dhe po kaq e pamundur për mbarështruesit e gjelit të detit, traditë e kësaj zone.
Si kudo në Lezhë, banorët e Dajçit dhe të Blinishtit, përballen me ndërprerje të energjisë elektrike, më përmbytje të disa fshatrave nga përrenjtë malor si pak javë më parë.
Një pushtet që nuk ka bërë asnjë punë, duhet të largohet. Mijëra hektar të mbjella janë përmbytur gjatë këtyre viteve por qeveria nuk ka kompensuar asnjë të dëmtuar, edhe për rastet e zjarreve asgjë.
Fshatrat turistik, rrenë në letër edhe këtu në Zadrimë. Pa furnizim me ujë të pijshëm, pa rrjet elektrik, pa sistemim, pa investime serioze dhe pa mbështetje qeveritare.
Nuk mund të zhvillohet Gjadri me kampe refugjatësh. Në një kohë që nga Gjadri, Zojzi dhe zona përreth janë larguar qindra familje, kampi i refugjatëve hallexhi, nuk mund të zëvendësojë zbrazëtinë e krijuar. Edi Rama po e keqpërdorë këtë zonë nën petkun e “bamirësisë”.
Ndaj demokrat, miq dhe qytetar të bëhemi bashkë njëzëri dhe të largojmë qeverinë më të dështuar, më të korruptuar, të largojmë me votë masive Edi Ramën ku me patjetër emigrantët do të japin kontributin e tyre.
Kam dhe një ftesë mbi aksionin tonë opozitar për të garantuar votën e lirë. Më 23 dhjetor, të gjithë së bashku në mosbindjen civile në Tiranë.
Prograni emergjent i PD-së, do ta shpëtojë Zadrimën, Lezhën dhe mbarë Shqipërinë.
Pensione jo nën 200 euro!
Minimum jetik 200 euro!
Rrogë minimale 500 euro!
Rrogë mesatare 1200 euro! Mbështetje 160 milon euro për bujqësinë!
Rrogat më të lartat në rajon për mësuesit, pedagogët dhe mjekët!
Rrotacion! Ndryshim!
Luftë korrupsionit dhe kriminalitetit, motoja jonë e përbashkët! Ne mundemi! Ne ja dalim! Fitore
Top Channel
