Reaksionet bërthamore dhe kimike: çfarë ndodh nëse bombat godasin depozitat e uraniumit në Iran? 18/06 13:42
Amerikani Travis Timmerman, i cili rezultonte i zhdukur prej muajsh në Siri, tashmë është gjetur.
Timmerman foli me disa media, pasi vendasit raportuan se e kishin parë duke ecur zbathur në rrugët e Damaskut. Gjetja e tij vjen pas lirimit të mijëra njerëzve nga burgjet siriane, pas rrëzimit të regjimit Bashar al-Assad.
Ai kishte vendosur të udhëtonte drejt Sirisë për “qëllime shpirtërore”, nga ku u kap pasi kaloi kufirin e tij me Libanin në mënyrë të paligjshme dhe u burgos për muaj të tërë.
Duke folur për CBS News, Timmerman tha se dera e qelisë së tij u thye të hënën nga dy burra të armatosur me Ak-47 dhe u largua nga burgu me një grup të madhe njerëzish.
“Nuk jam rrahur kurrë. E vetmja pjesë e keqe ishte se nuk mund të shkoja në tualet kur doja. Më lëshonin vetëm tre herë në ditë”, tha ai.
Kujtojmë se alarmi se Timmerman ishte zhdukur u ngrit nga policia hungareze në gusht, megjithëse një postim në Facebook nga një mik i familjes thoshte se ai ishte zhdukur që në qershor. Ai ishte parë për herë të fundit në Budapest në fund të muajit maj.
Kur Timmrman u gjet, në terren po kërkohej gjithashtu gazetari i zhdukur amerikan Austin Tice, i cili mbahet në Siri që nga viti 2012. Edhe pse ai ende nuk është lokalizuar, qeveria e përkohshme siriane tha në një deklaratë të enjten se përpjekjet për të gjetur Tice vazhdojnë.
Top Channel
