“Për një kore bukë, shkel këdo të del para”/ Amber i përgjigjet familjares së Bernardit: Në atë shtëpi, bukën e hëngra të merituar! 19/01 13:18
Pas reagimit të kryetares së Kuvendit, lidhur vendimit të Komisionit të Venecias për mandatin e deputetes Olta Xhaçka, kreu i grupit Parlamentar të PD, Gazment Bardhi thotë se Elisa Spiropali duhet ta rilexojë opinion.
Sipas Bardhit, Komisioni nuk i jep të drejtë mazhorancës, dhe se PS duhet të votojë sikurse ka kërkuar Gjykata Kushtetuese.
“Kryetarja e Kuvendit duhet ta rilexojë edhe njëherë opinionin e Komisionit të Venecias, ta kuptojë dhe ta zbatojë. Dezinformimi i saj që vazhdon edhe pasi opinioni është publik tregon se ka një tentativë për të vijuar me mbrojtjen e paprecedent ndaj deputetëve që shkelin kushtetutën për përfitime personale, tërësisht në të kundër të asaj që Komisioni i Venecias këshillon.
Kryetarja e Kuvendit Elisa Spiropali nga sot ka vetëm një detyrim: Të zbatojë dy vendime të Gjykatës Kushtetuese, siç këshillon në opinionin e tij edhe Komisioni i Venecias. Çdo deformim apo devijim nga thelbi i opinionit dhe përhumbja nga detaje pa thelb nuk ndihmojnë në forcimin e demokracisë dhe as të shtetit ligjor.
Top Channel
