Departamenti Amerikan i Shtetit ka uruar kreun e prokurorisë së Posaçme Altin Dumani pas nderimit me çmimin si kampion i antikorrupsionit.
DASH, Byroja Ndërkombëtare e Narkotikëve dhe Çështjeve të Zbatimit të Ligjit e njeh Altin Dumanin si kampion kundër korrupsionit për udhëheqjen e tij si kryeprokuror i posaçëm, ndërsa thekson se drejton SPAK me integritet, profesionalizëm dhe guxim.
“Departamenti Amerikan i Shtetit, Byroja Ndërkombëtare e Narkotikëve dhe Çështjeve të Zbatimit të Ligjit e njeh Altin Dumanin si një kampion kundër korrupsionit për udhëheqjen e tij si Kryeprokuror i Posaçëm, Struktura e Posaçme Kundër Korrupsionit dhe Krimit të Organizuar (SPAK) me integritet, profesionalizëm dhe guxim”.
Congratulations to 🇦🇱’s Altin Dumani, one of @StateDept’s 2024 Anti-Corruption Champions! #UnitedAgainstCorruption #ACCA2024 #IACD2024 pic.twitter.com/si10TpCczM
— US Dept of State INL (@StateINL) December 9, 2024
Shtetet e Bashkuara të Amerikës shpallën drejtuesin e SPAK, Altin Dumanin kampion të antikorrupsionit.
Ishte sekretari Antony Blinken që ndau çmimet për 10 kampionët në të gjithë botën pikërisht në ditën ndërkombëtare kundër korrupsionit. Ai tha se Dumani drejton një strukturë të re, ndërsa ka goditur politikanë të lartë dhe grupe kriminale.
“Altin Dumani, nga Shqipëria, drejton një agjenci të re (SPAK). Ka goditur politikanë të lartë, por edhe grupe të rëndësishme kriminale, duke bërë punë të jashtëzakonshme dhe një nga njerëzit më të besueshëm dhe institucion me të besueshme në Shqipëri”, tha Blinken.
Top Channel
